საკრებულოს წევრის, სამგორის რაიონის მაჟორიტარის, რევაზ სოხაძის, ინიციატივით და სამშენებლო კომპანია „დომუს დეველოპმენტის“ მხარდაჭერით, ვარკეთილი 3-ის ტერიტორიაზე გამწვანების აქცია"გაამწვანე სამგორი" კვლავ გაიმართა.

ღონისძიების ფარგლებში 250 ძირი სხვადასხვა ჯიშის ხე დაირგო.

გამწვანების აქციაში მონაწილეობა სამგორის რაიონის გამგებელმა კახა სამხარაძემ, მისმა მოადგილემ სოსო ბურდულაძემ, „დომუს გრუფის“ დამფუძნებელმა სანდრო კორძახიამ და „დომუს დეველოპმენტის“ გენერალურმა დირექტორმა ნიკოლოზ ბახტაძემ მიიღეს.