თბილისის საკრებულოს თავმჯდომარე, მთაწმინდის რაიონის მაჟორიტარი  ზურაბ აბაშიძე აფხაზეთის ავტონომიური რესპუბლიკის ფინანსთა და ეკონომიკის მინისტრ თენგიზ ნასარიძესთან ერთად  კომპაქტურად ჩასახლებულ დევნილ მოსახლეობას შეხვდა.

ოქროყანაში გამართულ შეხვედრაზე საუბარი იძულებით გადაადგილებული მოქალაქეების საჭიროებებსა და მათ წინაშე  მდგარი ამოცანების გადაჭრის გზებს შეეხო. 

აღინიშნა, რომ დევნილი მოსახლეობის საცხოვრებელი პირობების გაუმჯობესება და მათთვის შესაბამისი სოციალური და ეკონომიკური მხარდაჭერის უზრუნველყოფა გაგრძელდება. ყოველივე ეს კი კონკრეტული ღონისძიებების დაგეგმვით და განხორციელებით ეტაპობრივად მოხდება.