თბილისის საკრებულოში ეკონომიკური განვითარების, საინვესტიციო პოლიტიკის და საერთაშორისო ურთიერთობების კომისიის სხდომა გაიმართა, რომელსაც  კომისიის თავმჯდომარე ლევან არველაძე უძღვებოდა.

კომისიის წევრებს სხდომაზე განსახილველი საკითხები  თბილისის მუნიციპალიტეტის ტრანსპორტისა და ურბანული განვითარების სააგენტოს  უფროსის მოადგილემ, ნინო ბაგაშვილმა წარუდგინა.

სხდომაზე, ქალაქ თბილისის მუნიციპალიტეტის ტერიტორიაზე რამდენიმე მისამართზე, კულტურული მემკვიდრეობის დამცავ ზონაში არსებული ავარიული შენობა ნაგებობების რეაბილიტაცია/ჩანაცვლების მიზნით,  გასატარებელ ღონისძიებები განიხილეს.

დღესვე სხდომაზე განხილული იქნა  ,,ქალაქ თბილისის მუნიციპალიტეტის საჯარო სამართლის იურიდიული პირის – ქონების მართვის სააგენტოს დებულების დამტკიცების შესახებ” ქალაქ თბილისის მუნიციპალიტეტის საკრებულოს 2018 წლის 16 თებერვლის №13-42 დადგენილებაში ცვლილების შეტანის საკითხი, რომელიც კომისიის წევრებს თბილისის განვითარების ფონდის დირექტორის მოადგილემ, ქვარა ჩართოლანმა წარუდგინა.

კომისიების წევრებმა დღის წესრიგით გათვალისწინებულ საკითხებს   მხარი დაუჭირეს და საკრებულოს სხდომაზე  წარსადგენად დადებითი რეკომენდაცია მისცეს.