თბილისის საკრებულოში ეკონომიკური განვითარების, საინვესტიციო პოლიტიკის და საერთაშორისო ურთიერთობების კომისიის სხდომა გაიმართა, რომელსაც  კომისიის თავმჯდომარე ლევან არველაძე უძღვებოდა.

კომისიის წევრებს სხდომაზე განსახილველი საკითხები  ქ. თბილისის მერიის ეკონომიკური განვითარების საქალაქო სამსახურის  უფროსმა ვახტანგ ლომჯარიამ, ქ. თბილისის მერიის სსპ ქონების მართვის სააგენტოს უფროსმა ირაკლი თავართქილაძემ და დედაქალაქის საკრებულოს იურიდიულ საკითხთა  და ადამიანის უფლებათა დაცვის კომისიის თავმჯდომარემ ლევან ჟორჟოლიანმა წარუდგინეს.   

სხდომაზე, ქალაქ თბილისის მუნიციპალიტეტისა და ევროპის რეკონსტრუქციისა და განვითარების ბანკს (EBRD) შორის „თბილისის მეტროს მოდერნიზაციის“ პროექტის მხარდაჭერის ხელშეკრულების ხელმოწერის თაობაზე თანხმობის მიცემის შესახებ ისაუბრეს.

პროექტის ფარგლებში   12 მეტროსადგურის რეაბილიტაცია განხორციელდება. სრული რეაბილიტაცია გულისხმობს ესკალატორების და ელექტრომექანიკური დანადგარების პანელების შეცვლას, მგზავრთა ინფორმაციის შეტყობინების სისტემის განახლებას, ასევე ხანძარსაწინააღმდეგო სისტემაც იცვლება, სადგურებზე უწყვეტი კვების რეჟიმიც შეიცვლება, ესკალატორებიდან ელექტროენერგიის დაზოგვის მიზნით განხორციელდება სპეციალური პროექტი.

კიდევ ერთი საკითხი,  რომელიც სხდომაზე განიხილეს ქალაქ თბილისის მუნიციპალიტეტის ტერიტორიაზე ავარიული მრავალბინიანი საცხოვრებელი სახლების ჩანაცვლების წესის დამტკიცების შესახებ“ ქალაქ თბილისის მუნიციპალიტეტის საკრებულოს 2022 წლის 6 მაისის №10-48 დადგენილებაში ცვლილების შეტანის თაობაზე“ ქალაქ თბილისის მუნიციპალიტეტის საკრებულოს დადგენილების პროექტს ეხება.

წარმოდგენილი პროექტის თანახმად,  ჩანაცვლებასთან დაკავშირებული ღონისძიებების განხორციელება  დაინტერესებულ პირთა ნაწილობრივი თანხმობის პირობებშიც იქნება შესაძლებელი.

სხდომაზე, დაუმთავრებელი მშენებლობების დასრულებისთვის ფინანსური მხარდაჭერის მიზნით, კომპანიების მიმართ გასატარებელი ღონისძიებების შეთანხმების თაობაზე“ ქალაქ თბილისის მუნიციპალიტეტის საკრებულოს განკარგულების პროექტი განიხილეს.

ასევე , ქალაქ თბილისის მუნიციპალიტეტის ტერიტორიაზე ავარიული მრავალბინიანი საცხოვრებელი სახლების ჩანაცვლების წესის დამტკიცების შესახებ“ ქალაქ თბილისის მუნიციპალიტეტის საკრებულოს 2022 წლის 6 მაისის №10-48 დადგენილებაში ცვლილების შეტანის თაობაზე“ ქალაქ თბილისის საკრებულოს დადგენილების პროექტის მოწონების შესახებ ისაუბრეს.

ეკონომიკური განვითარების, საინვესტიციო პოლიტიკის და საერთაშორისო ურთიერთობების კომისიის წევრებს ვახტანგ ლომჯარიამ ქ.თბილისის მუნიციპალიტეტის მერიის ეკონომიკური განვითარების საქალაქო სამსახურის წლიური ანგარიშიც წარუდგინა.

კომისიების წევრებმა დღის წესრიგით გათვალისწინებულ საკითხებს   მხარი დაუჭირეს და საკრებულოს სხდომაზე  წარსადგენად დადებითი რეკომენდაცია მისცეს.