თბილისის საკრებულოში ქონების მართვის და საფინანსო-საბიუჯეტო, სატრანსპორტო საკითხთა,  ასევე სატრანსპორტო საკითხთა  კომისიების გაერთიანებული სხდომა გაიმართა.

სხდომაზე, რომელსაც ირაკლი ხელაძე, შალვა ოგბაიძე და ლევან არველაძე  უძღვებოდნენ, დედაქალაქის 2023 წლის ბიუჯეტის პროექტზე იმსჯელეს. თბილისის მთავარი საფინანსო დოკუმენტის პროექტი  საკრებულოს წევრებს მერიის საფინანსო საქალაქო სამსახურის უფროსმა გაიოზ თალაკვაძემ გააცნო.

როგორც გაიოზ თალაკვაძემ განაცხადა, თბილისის მომავალი წლის ბიუჯეტის  პროექტის მოცულობა  1 632 132,6 ათასი ლარით განისაზღვრა, რაც 2022 წლის დამტკიცებულ ბიუჯეტთან (1 305 418,2 ათასი ლარი) მიმართებაში 326 714,4 ათასი ლარით, ხოლო 2023 წლის პირველად წარდგენილ ბიუჯეტის პროექტთან (1 438 775,2 ათასი ლარი) შედარებით  193 357,4 ათასი ლარით გაზრდილია.

პროექტის თანახმად, გაზრდილი ბიუჯეტი შემდეგ პრიორიტეტებზე გადანაწილდება: სატრანსპორტო ინფრასტრუქტურის მშენებლობა - აღდგენა; ინფრასტრუქტურის ობიექტების მშენებლობა, ექსპლუატაცია და ავარიული შენობების გამაგრება/ჩანაცვლება; ეკოლოგიური მდგომარეობის შენარჩუნება და გაუმჯობესება; ეკონომიკის განვითარების ხელშეწყობა; ბინათმესაკუთრეთა ამხანაგობების განვითარება; ჯანმრთელობის დაცვა და სოციალური უზრუნველყოფა; განათლება; კულტურა, სპორტი და ახალგაზრდობა; საზოგადოებრივი წესრიგი და უსაფრთხოება; თბილისის წარმომადგენლობითი და აღმასრულებელი ორგანოები.

თბილისის 2023 წლის ბიუჯეტის პროექტს  კომისიების წევრებმა   საკრებულოს სხდომაზე დასამტკიცებლად მხარი დაუჭირეს.