თბილისის საკრებულოს სახელდების და სიმბოლიკის კომისიის თავმჯდომარე მიხეილ ამაშუკელი საქართველოს ფოსტის საერთაშორისო ურთიერთობებისა და საოპერაციო დეპარტამენტის ხელმძღვანელს ნუგზარ ბრეგვაძეს შეხვდა. შეხვედრა სამუშაო ხასიათის იყო და მასზე  შემდგომი თანამშრომლობის საკითხები განიხილეს.

როგორც შეხვედრაზე ითქვა, სახელდების და სიმბოლიკის კომისია უახლოეს მომავალში საქართველოს ფოსტასთან კოორდინირებულ მუშაობას დაიწყებს. ამ თანამშრომლობის შედეგად, თბილისის მასშტაბით მოქალაქეებს საფოსტო სერვისებით სარგებლობა გაუმარტივდებათ.