თბილისის საკრებულოში სახელდების და სიმბოლიკის კომისიის სხდომის ფორმატში გეოგრაფიული ობიექტების სახელდების ინიციატივების განხილვა გაიმართა. განხილვაში, კომისიის წევრებთან ერთად, საკითხით დაინტერესებული მხარეებიც მონაწილეობდნენ.

კომისიამ თბილისში მდებარე რამდენიმე ქუჩის, შესახვევისა და ჩიხისთვის სახელების მინიჭებაზე იმსჯელა და დედაქალაქში არსებულ რამდენიმე ქუჩას აფხაზეთის ომში დაღუპული გმირების სახელის მიენიჭებას მხარი დაუჭირა.

სახელდების და სიმბოლიკის კომისიის სხდომის ფორმატში, დღის წესრიგით გათვალისწინებულ 10 საკითხზე იმსჯელეს. დღეს განხილული საკითხების დამტკიცების თაობაზე დეპუტატები საკრებულოს უახლოეს სხდომაზე იმსჯელებენ.