თბილისის საკრებულოს სახელდებისა და სიმბოლიკის კომისიისა და საქართველოში ბულგარეთის რესპუბლიკის საელჩოს წარმომადგენლებს შორის თბილისში, ერთ-ერთი გეოგრეფიული ობიექტისთვის ბულგარეთის დედაქალაქის - სოფიას სახელის მინიჭებასთან დაკავშირებით შეხვედრა გაიმართა.

სახელდებისა და სიმბოლიკის კომისიის თავმჯდომარის მიხეილ ამაშუკელის განცხადებით, ბულგარეთი საქართველოს ევროპული და ევრო-ატლანტიკური ინტეგრაციის გზაზე ერთ-ერთი აქტიური მხარდამჭერია. შეხვედრაზე მხარეებმა ორმხრივი თანამშრომლობის მნიშვნელობას გაუსვეს ხაზი.

,,საქართველოსა და ბულგარეთის ქვეყნებს შორის ორმხრივი მეგობრული ურთიერთობები ყოველდღიურად მყარდება და ძლიერდება. ამ ეტაპზე, ჩვენ ვმსჯელობთ თბილისში ერთ-ერთი გეოგრაფიული ობიექტისთვის სოფიას სახელის მინიჭების საკითხზე. გვჯერა რომ ეს გადაწყვეტილება კიდევ უფროო განამტკიცებს ჩვენი ქვეყნებისა და დედაქალაქების თანამშრომლობას,“-განაცხადა მიხეილ ამაშუკელმა.