თბილისის საკრებულოს სახელდებისა და სიმბოლიკის კომისიის  წევრები კახი კავსაძის ოჯახის წევრებს შეხვდნენ და  დედაქალაქის  ერთ-ერთი ქუჩისთვის მსახიობის სახელის მინიჭების თაობაზე იმსჯელეს.

აღნიშნული კომისიის თავმჯდომარის, მიხეილ ამაშუკელის განცხადებით, ამ ეტაპზე მიმდინარეობს ქუჩის შერჩევის პროცედურები.

"კახი კავსაძე არის უდიდესი მსახიობი, რომლის სახელობის ქუჩაც დაამშვენებს თბილისს. ამ ეტაპზე კონსულტაციები გვაქვს ოჯახის წევრებთან, ქუჩის შერჩევა მოხდება მათი სრული ჩართულობით. სახელდების პროცესი კი საზოგადოების ფართო მონაწილეობით განხორციელდება"-განაცხადა მიხეილ ამაშუკელმა.