თბილისის საკრებულოში გარემოს დაცვის კომისიის სხდომა გაიმართა, რომელსაც კომისიის თავმჯდომარე ერეკლე კუხიანიძე უძღვებოდა.

სხდომაზე „საქართველოს კარტოგრაფთა ასოციაციის“ წევრებს მოუსმინეს.  არასამთავრობო ორგანიზაციის წარმომადგენლებმა კომისიის წევრებს, საქართველოს მევენახეობა-მეღვინეობის გეოინფორმაციული სისტემისა და ელექტრონული ატლასის სამუშაო ვერსია წარუდგინეს.

კომისიის წევრებმა რეკომენდაცია გასცეს, რომ თბილისის გეოგრაფიულ-ეკოლოგიური  ატლასის სამუშაო ვერსია შეიქმნას , რომლის პრეზენტაციაც თბილისის საკრებულოში გაიმართება.