თბილისის საკრებულოში სარევიზიო კომისიის სხდომა გაიმართა, რომელსაც კომისიის თავმჯდომარე ლევან ჯაფარიძე უძღვებოდა.

კომისიის წევრებმა "ქალაქ თბილისის მუნიციპალიტეტის 2022 წლის ბიუჯეტის დამტკიცების შესახებ" ქალაქ თბილისის მუნიციპალიტეტის საკრებულოს 2021 წლის 27 დეკემბრის № 4-7 დადგენილებაში ცვლილების შეტანის შესახებ“ თბილისის საკრებულოს დადგენილების პროექტი განიხილეს. საკითხი კომისიის წევრებს თბილისის მერიის საფინანსო საქალაქო სამსახურის უფროსის მოადგილემ ლევან მიქავამ გააცნო. წარმოდგენილი პროექტით ბიუჯეტის მოცულობა სულ 1 017,5 ათასი ლარით იზრდება და 1 395 751,0 ათას ლარს შეადგენს. სხდომაზე პროგრამებსა და ქვეპროგრამებზე გადანაწილებულ ასიგნებებზე იმსჯელეს.

დღესვე სარევიზიო კომისიის სხდომაზე თბილისის N 83-ე საბავშვო ბაგა-ბაღის მიერ 2019 წლის 1 იანვრიდან 2021 წლის 31 დეკემბრის ჩათვლით პერიოდში გაწეული საფინანსო -სამეურნეო საქმიანობის სარევიზიო შემოწმების მასალების განხილვა გაიმართა. რის შემდეგაც კომისიის სხდომაზე დიდუბის რაიონის გამგეობის მიერ 2019 წლის 1 იანვრიდან 2021 წლის 31 დეკემბრის ჩათვლით პერიოდში გაწეული საფინანსო -სამეურნეო საქმიანობის სარევიზიო შემოწმების ანგარიში მოისმინეს. სარევიზიო კომისიის თავმჯდომარემ ლევან ჯაფარიძემ კომისიის წევრებს სარევიზიო ჯგუფის მიერ შემუშავებული რეკომენდაციები გააცნო. როგორც კომისიის სხდომაზე აღინიშნა, რეკომენდაციები ძირითადად ტექნიკურ დეტალებს ეხება.