თბილისის საკრებულოში სარევიზიო, ასევე განათლებისა და კულტურის კომისიის გაერთიანებული სხდომა გაიმართა, რომელზეც  დეპუტატებმა დღის წესრიგით გათვალისწინებული ორი საკითხი განიხილეს.

კომისიის წევრებმა თბილისის N70 და N34 საბავშვო ბაგა-ბაღების მიერ 2018 წლის 1 იანვრიდან 2020 წლის 30 დეკემბრის ჩათვლით პერიოდში გაწეული საფინანსო-სამეურნეო საქმიანობის სარევიზიო შემოწმების მასალების თაობაზე ინფორმაცია მოისმინეს.

როგორც სხდომაზე აღინიშნა, წარმოდგენილ საკითხებთან დაკავშირებით, სარევიზიო ჯგუფების მიერ შემუშავებულ რეკომენდაციები საბავშვო ბაგა-ბაღების ადმინისტრაციას, ხოლო შემოწმების დასკვნა კი შემდგომი რეაგირებისთვის შესაბამის ორგანოს გადაეგზავნება.

გაერთიანებულ სხდომას კომისიის წევრებთან ერთად შესაბამისი საბავშვო ბაღების ხელმძღვანელი პირები ესწრებოდნენ.