წყნეთი ქუჩაზე ორი ახალი სკვერის და სპორტული მოედნის მოწყობის სამუშაოები იწყება.  სამუშაოების დაწყებას ადგილზე თბილისის საკრებულოს თავმჯდომარე, ვაკის რაიონის მაჟორიტარი დეპუტატი გიორგი ტყემალაძე, ვაკის გამგებელთან, დავით კვინიკაძესთან ერთად გაეცნო. გიორგი ტყემალაძე და დავით კვინიკაძე ადგილობრივ მოსახლეობასაც შეხვდნენ და პროექტების შესახებ ინფორმაცია მიაწოდეს.

„კეთილმოწყობილი გამწვანებული სივრცეების შექმნა ვაკის რაიონის გამგეობის ერთ-ერთი პრიორიტეტია. განახლებული სივრცეები წყნეთის ქუჩის N1-სა და წყნეთის ქუჩის N14-ში განთავსდება. სკვერები და სტადიონები შესაბამისი ინვენტარით აღიჭურვება. დაგეგმილი პროექტების შესახებ ინფორმაცია დღეს ადგილობრივ მოსახლეობას გავაცანით“- განაცხადა გიორგი ტყემალაძემ.