თბილისის საკრებულოს სატრანსპორტო საკითხთა კომისიის თავმჯდომარე შალვა ოგბაიძე ფრაქცია „ლელო-პარტნიორობა თბილისისათვის“ თავმჯდომარის საბა ბუაძის მიერ მერიის ახალ ინიციატივასთან დაკავშირებით გაკეთებულ განცხადებას გამოეხმაურა.

თბილისის მერიის ინიციატივა  , A კატეგორიის იმ ტაქსებისათვის, რომელთა ავტომობილის ასაკი არ აღემატება 10 წელს, 1 ივნისიდან ავტობუსის ზოლში მოძრაობის უფლების მიცემას ითვალისწინებს.

როგორც შალვა ოგბაიძემ აღნიშნა, A კატეგორიის ტაქსებისთვის ავტობუსის ზოლში მოძრაობის უფლების მიცემა იმ სატრანსპორტო პოლიტიკის გაგრძელებაა, რომელიც რამდენიმე წელია დაიწყო და სხვადასხვა სფეროს მოიცავს, მათ შორის A კატეგორიის მძღოლებისთვის გარკვეული  წესების შემოღებას.

მისივე თქმით, ახალი ინიციატივა  ეკომეგობრული ტრანსპორტის დანერგვას და დედაქალაქში ეკოლოგიური მდგომარეობის გაუმჯობესებისათვის ხელშემწყობი ფაქტორია.

„ბასლაინში ა კატეგორიის  ტაქსების  მოძრაობა ევროპაში მიღებული პრაქტიკაა. ვფიქრობ, ტაქსის გადასვლა ავტობუსის ზოლში,  შედარებით გაათავისუფლებს დანარჩენ ზოლებში დატვირთულ მოძრაობას. ტაქსის დანიშნულებაც სწორედ ესაა, რომ რაც შეიძლება სწრაფად მივიდეს მოქალაქე დანიშნულების ადგილას , თუ მას არ სურს  საზოგადოებრივი ტრანსპორტით სარგებლობა“,- განაცხადა შალვა ოგბაიძემ.