თბილისის საკრებულოს თავმჯდომარე ზურაბ აბაშიძე საკრებულოს წევრებთან ერთად საერთაშორისო ღონისძიების  „თბილისის აბრეშუმის გზის ფორუმი 2025“ გახსნის ცერემონიას დაესწრო.   

ფორუმის გახსნის ცერემონია თბილისის ოპერისა და ბალეტის სახელმწიფო თეატრში შედგა. გახსნითი პანელი - მაღალი დონის დიალოგი  -  რეგიონის ქვეყნების მთავრობათა ხელმძღვანელების,  საქართველოს პრემიერ-მინისტრ ირაკლი კობახიძის, სომხეთის რესპუბლიკის პრემიერ-მინისტრ ნიკოლა ფაშინიანის და აზერბაიჯანის რესპუბლიკის პრემიერ-მინისტრ ალი ასადოვის, მონაწილეობით გაიმართა. 

ფორუმი საქართველოს პრემიერ-მინისტრ ირაკლი კობახიძის პატრონაჟით იმართება. წელს „აბრეშუმის გზის ფორუმის“ მთავარი თემა და სლოგანია: Invest in Connectivity – Grow in Stability.

„თბილისის აბრეშუმის გზის ფორუმი“ 2015 წლიდან  ორ წელიწადში ერთხელ ტარდება. ღონისძიება ამჯერადაც ტრადიციულად, წარმომადგენლობითი, სექტორულად მრავალფეროვანია  და გლობალური ლიდერების შეკრებას   70-ზე მეტი ქვეყნის 2300-ზე მეტ დელეგატს მასპინძლობს. 

ფორუმი ორი დღის განმავლობაში იმუშავებს, პანელურ დისკუსიებზე განიხილება საერთაშორისო სავაჭრო-ეკონომიკური ურთიერთობები, ევროპასა და აზიას შორის სატრანსპორტო-ლოგისტიკური კავშირების, მათ შორის „შუა დერეფნის“ მარშრუტის როლი და მისი ფუნქციის შემდგომი განვითარების საკითხები, ასევე ახალი პროგრამები და პროექტები სხვადასხვა სექტორული მიმართულებით.