პარტია "ანა დოლიძე-ხალხისთვის" ინიციატივით, თბილისის საკრებულოში, დღეს ცხოველთა მონიტორინგის სააგენტოს ხელმძღვანელთან და გარემოს დაცვის კომისიის წარმომადგენლებთან  სამუშაო შეხვედრა გაიმართა.

როგორც პარტია "ანა დოლიძე-ხალხისთვის"  წარმომადგენელმა ნინო წულაძემ განაცხადა, შეხვედრაზე ცხოველთა უფლებადამცველ ორგანიზაციებთან კონსულტაციის შედეგად მოპოვებული რეკომენდაციები განიხილეს. მისივე თქმით,  აღნიშნულ რეკომენდაციებზე  დაყრდნობით, პარტია "ანა დოლიძე-ხალხისთვის" მიერ მომზადდა საკანონმდებლო ინიციატივა - დროებითი წესი, რომლის მიხედვითაც  პარტია საკრებულოს შესაბამის დადგენილებაში, თბილისის მუნიციპალიტეტის ტერიტორიაზე ცხოველების მოვლა-პატრონობის და მათი პოპულაციების მართვის წესში ცვლილების შეტანას ითხოვს.

ამას გარდა, შეხვედრაზე მიუსაფარ ცხოველებთან დაკავშირებით დედაქალაქში არსებულ  მდგომარეობასა და პრობლემის გადაჭრის გზებზე იმსჯელეს