ნაძალადევის გამგეობის ორგანიზებით, თბილისის მერიის მიერ ახლად რეაბილიტირებულ სკვერში კულტურულ-შემოქმედებითი ღონისძიება გაიმართა, რომელაც ნაძალადევის რაიონის გამგებელი ირაკლი ანდღულაძე და სანზონის მაჟორიტარი დედაქალაქის საკრებულოში  ვალერიან პაპუაშვილი ესწრებოდნენ.

ღონისძიება საბავშვო გასართობი პროგრამით გაიხსნა, რომელიც სხვადასხვა ვორქშოფს, სპორტულ და საგანმანათლებლო შეჯიბრებებს მოიცავდა.

წარმოდგენილი აქტივობები  ბავშვებისა და მოზარდების ჩართულობისა და აქტიური დასვენების ხელშეწყობაზეა ორიენტირებული.

ნაძალადევის გამგეობა კვლავაც გააგრძელებს კულტურულ და საზოგადოებრივ აქტივობებზე ორიენტირებული პროექტების განხორციელებას, რომელთა მიზანი ადგილობრივი მოსახლეობის კეთილდღეობისა და საჯარო სივრცეების განვითარების ხელშეწყობაა.