დედაქალაქის საკრებულოს სამგორის რაიონის მაჟორიტარმა წევრმა რევაზ სოხაძემ, თბილისის მერთან, კახა კალაძესთან ერთად მოსკოვის გამზირზე მდებარე ვარძიის სკვერში მიმდინარე სარეაბილიტაციო სამუშაოები დაათვალიერა.

როგორც რევაზ სოხაძემ განაცხადა, პარკში, რომლის ფართობიც 8 300 კვადრატული მეტრია, შადრევანი, სპორტული და საბავშვო მოედნები, საფეხმავლო ბილიკები, მოსასვენებელი პავილიონი, სარწყავი და გარე განათების სისტემები მოეწყობა.

სარეაბილიტაციო სამუშაოები 2022 წლის ივლისში დასრულდება. აღნიშნული პროექტის ღირებულება კი 1 100 000 ლარია.

ვარძიის სკვერში მიმდინარე სარეაბილიტაციო სამუშაოებს თბილისის  მერის მოადგილე ანდრია ბასილაია, გარემოს დაცვის საქალაქო სამსახურის უფროსი გიგა გიგაშვილი და მისი მოადგილე პაატა ტოგონიძე, პარლამენტის მაჟორიტარი დეპუტატი სოზარ სუბარი და სამგორის რაიონის გამგებელი კახა სამხარაძე ადგილზე გაეცნენ.