თბილისის საკრებულოს  გლდანის რაიონის მაჟორიტარი დეპუტატის  კონსტანტინე ზარნაძის ინიციატივით და  თბილისის მერიის გარემოს დაცვის საქალაქო სამსახურის ორგანიზებით,   მუხიანში ,  დუმბაძის ქუჩაზე გამწვანების აქცია გაიმართა. აღნიშნულ ტერიტორიაზე 80 ძირზე მეტი ნეკერჩხალი  დარგეს.    

„ქალაქის უბნების გამწვანება ჩვენი ერთ-ერთი პრიორიტეტია. მოსახლეობის ინიციატივით და თბილისის მერიის საქალაქო სამსახურის მხარდაჭერით გლდანის რაიონში ათეულობით ხე დაირგვება.  მეტი მწვანე სივრცე და რეკრეაციული ზონების არსებობა  სასიცოცხლოდ მნიშვნელოვანია მოსახლეობისთვის და განსაკუთრებით მომავალი თაობის ჯანმრთელობისთვის.“- განაცხადა კონსტანტინე ზარნაძემ

აღსანიშნავია, რომ  გამწვანების აქციაში დეპუტატთან ერთად ადგილობრივი მოსახლეობაც ჩაერთო.