27 სექტემბერს, სოხუმის დაცემის დღეს, საკრებულოს შენობაში  მედიაჰოლდინგ "კვირას" დამფუძნებლის,  ქეთევან ხოსიტაშვილის საავტორო ფილმის -"თავისუფლების" ფასი" პრემიერა გაიმართა.

ღონისძიებას თბილისის საკრებულოს თავმჯდომარე, გიორგი ტყემალაძე საკრებულოს წევრებთან ერთად, შერიგებისა და სამოქალაქო თანასწორობის საკითხებში სახელმწიფო მინისტრი, თეა ახვლედიანი; აფხაზეთის ა/რ თავმჯდომარე, რუსლან აბაშიძე და მინისტრთა კაბინეტი;  ვეტერანების საქმეთა სახელმწიფო სამსახურის უფროსი კობა კობალაძე ესწრებოდნენ.

დოკუმენტურ ფილმში ასახულია ოკუპირებულ აფხაზეთში არსებული მდგომარეობა. ავტორს გამოყენებული აქვს  აფხაზი და რუსი ბლოგერების ვიდეოჩანაწერები, სადაც ნაჩვენებია არსებული მძიმე ვითარება.