თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარე ზურაბ ჩიკვილაძე საბურთალოს რაიონის გამგებელთან, გაიოზ ვასაძესთან,  ერთად  „ევექსის“ ახალი პოლიკლინიკის გახსნის ღონისძიებას დაესწრო.

სტუმრებმა პოლიკლინიკის  დირექტორთან, გიორგი გორდაძესთან, ერთად  სამედიცინო დაწესებულების თანამედროვე სტანდარტებს მორგებული ინფრასტრუქტურა დაათვალიერეს. უახლესი სამედიცინო აპარატურით აღჭურვილი „ევექსის“ ახალი პოლიკლინიკა მაღალი კვალიფიკაციის მქონე ექიმებით არის დაკომპლექტებული.

„ხარისხიანი სამედიცინო სერვისებისადმი ხელმისაწვდომობა ჩვენი თანამოქალაქეების ჯანმრთელობის ერთ-ერთი წინაპირობაა. „ევექსის“ ახლადგახსნილ პოლიკლინიკაში  სრული ამბულატორიული მომსახურების მიღებაა შესაძლებელი, რაც ექიმ-სპეციალისტების კონსულტაციებსა და ლაბორატორიული გამოკვლევების სრული სპექტრის ჩატარებას გულისხმობს. მოსახლეობის ჯანმრთელობის დაცვის კუთხით ეს კიდევ ერთი მნიშვნელოვანი წინ გადადგმული ნაბიჯია“,  - განაცხადა კლინიკაში სტუმრობისას ზურაბ ჩიკვილაძემ.