თბილისის საკრებულოს თავმჯდომარემ, ვაკის რაიონის მაჟორიტარმა გიორგი ტყემალაძემ ვაკის რაიონის გამგებელთან, დავით კვინიკაძესთან, ერთად წყნეთის ქუჩაზე ახლადრეაბილიტირებული სკვერი და სპორტული მოედანი დაათვალიერა.

„კეთილმოწყობილი გამწვანებული სივრცეების შექმნა და ჯანსაღი ცხოვრების ხელშეწყობა ჩვენი  ერთ-ერთი პრიორიტეტია. მორიგი კომბინირებული სივრცე შეემატა ჩვენს ქალაქს, წყნეთის ქუჩა N1-ში  სამუშაოები დასრულდა“,  -  განაცხადა გიორგი ტყემალაძემ.

განახლებული სკვერი და სპორტული მოედანი შესაბამისი ინვენტარით აღიჭურვა; მოეწყო განათებისა და სარწყავი ქსელები, საფეხმავლო ბილიკი, საბავშვო და სავარჯიშო სივრცეები; სპორტული მოედნის კედელი მოიხატა; სკვერში კი გამწვანების სამუშაოები ჩატარდა. 

სკვერისა და სპორტული მოედნის პროექტების ჯამური ღირებულება 300 000 ლარს შეადგენს.