თბილისის მერია დედაქალაქის გერბისა და დროშის ნიმუშების შესარჩევ კონკურსს აცხადებს. ნიმუშების შესარჩევი კონკურსისთვის განაცხადების მიღება 1-ელი მარტიდან   დაიწყება.  კონკურსს ნიმუშების შესარჩევი სპეციალურად შექმნილი კომისია წარმართავს, რომელიც ისტორიკოსების, ჰერალდიკოსების, მხატვრებისა და სხვადასხვა სფეროს კომპეტენტური წარმომადგენლებისგან დაკომპლექტდა.

დროშის და გერბის პროექტები ჰერალდიკური წესების დაცვით, საქართველოს მუნიციპალიტეტებისა და თვითმმართველი ქალაქების სიმბოლოთათვის  დამახასიათებელი ჰერალდიკური ნორმებით  და ქალაქ თბილისის მუნიციპალიტეტის ტერიტორიის ისტორიული, ეკონომიკური, გეოგრაფიული, კულტურული მახასიათებლებს, ან ერთ-ერთი მახასიათებლის ხაზგასმის საფუძველზე უნდა აიგოს. კონკურსში მონაწილეობის მიღება  ნებისმიერ დაინტერესებულ პირს შეეძლება, რომლებმაც  ნამუშევრები თბილისის მერიაში 1-ელი მარტიდან 30 აპრილის ჩათვლით უნდა წარადგინონ.

კონკურსში მონაწილე ნიმუშების გამოსახულების პროექტები, შესაძლოა  საკრებულოს შენობაში გამოიფინოს. გამარჯვებულ კონკურსანტს  10 000 ლარის ოდენობის  ფულადი ჯილდო გადაეცემა.

კონკურსის პირობებისა და განაცხადების წარდგენის შესახებ დეტალური ინფორმაციის ნახვა თბილისის მერიის ოფიციალურ ვებგვერდზე არის შესაძლებელი.

https://tbilisi.gov.ge/news/15777