თბილისის განვითარების ფონდი დარეჯანის სასახლის რეაბილიტაციის მეორე ეტაპით გათვალისწინებულ სამუშაოებს ახორციელებს.

სამუშაოები თბილისის მერმა კახა კალაძემ,  დედაქალაქის საკრებულოს განათლებისა და კულტურის კომისიის თავმჯდომარემ, ისნის რაიონის მაჟორიტარმა დეპუტატმა, კახა ლაბუჩიძემ, ამავე რაიონის გამგებელმა, ნიკა ელისაშვილმა, მერის მოადგილემ, ირაკლი ბენდელიანმა და თბილისის განვითარების ფონდის ხელმძღვანელმა გიორგი პაპავამ დაათვალიერეს.

სამუშაოების პირველი ეტაპი გასულ წელს დასრულდა.

ამჟამად მიმდინარეობს პროექტის შემდგომი ეტაპი -  სასახლის რეაბილიტაცია. პროექტის ფარგლებში დაგეგმილია დარეჯანის სასახლის აივნების რეაბილიტაცია, სახურავის შეცვლა და დიდი ოთახის სარემონტო სამუშაოები. პროექტის ბიუჯეტი 405 000 ლარია.