თბილისის საკრებულოს თავმჯდომარემ, ვაკის რაიონის მაჟორიტარმა დეპუტატმა გიორგი ტყემალაძემ ვაკის გამგებელთან, დავით კვინიკაძესთან, ერთად კ. კეკელიძის ქუჩაზე დამცავი კედლის სამშენებლო სამუშაოები დაათვალიერა. როგორც გიორგი ტყემალაძემ აღნიშნა, კეკელიძის N25-ის მიმდებარედ  დამცავი რკინა-ბეტონის კედლის მოწყობა ახლომდებარე საცხოვრებელ სახლების ტერიტორიაზე გრუნტის ჩამოშლის საფრთხეს მნიშვნელოვნად ამცირებს.

„გრძელდება ინფრასტრუქტურული პროექტების განხორციელება, რომლებიც გულისხმობს როგორც უკვე არსებულთა  აღდგენა-განახლებას, ასევე ახლის, თანამედროვე ინფრასტრუქტურული ერთეულების შექმნას. მოსახლეობის უსაფრთხოებიდან გამომდინარე ამ მხრივ ერთ-ერთი მნიშვნელოვანი მიმართულებაა სხვადასხვა სარეაბილიტაციო და გასამაგრებელი სამუშაოები, რომლებიც ასევე აქტიურად მიმდინარეობს თბილისში. ერთ-ერთი ასეთი პროექტია  კეკელიძის N25-ის მიმდებარე ტერიტორიაზე დაზიანებული 34 მეტრი სიგრძის  კედლის განახლება-მშენებლობა. ეს სამუშაო ამჟამად აქტიურად მიმდინარეობს",  -  განაცხადა გიორგი ტყემალაძემ.