ვაჟა-ფშაველას II კვარტლის N25-26 კორპუსებთან ვაკის რაიონში ბინათმესაკუთრეთა ამხანაგობების საერთო სარგებლობის ინფრასტრუქტურის მოწესრიგების პროცესი დასრულდა.

თბილისის საკრებულოს თავმჯდომარე, ვაკის რაიონის მაჟორიტარი დეპუტატი გიორგი ტყემალაძე რაიონის გამგებელ დავით კვინიკაძესთან ერთად ვაჟა-ფშაველას II კვარტლის მოსახლეობას შეხვდა.

როგორც გიორგი ტყემალაძემ აღნიშნა, ამ ეტაპზე წყალარინების ქსელი ვაჟა-ფშაველას II კვარტლის N25-26 კორპუსების მიმდებარედ განახლდა.  

"ამჯერად, წყალარინების ქსელების განახლება, ადგილობრივების მოთხოვნის საფუძველზე, ვაჟა-ფშაველას II კვარტლის N25-26 კორპუსების მიმდებარე ტერიტორიაზე განხორციელდა. სამუშაოების ფარგლებში, კორპუსების ტერიტორიაზე სრულად გამოიცვალა მილები და ჭები, რეაბილიტირებულ პერიმეტრზე კი, ასფალტის ახალი საფარი დაიგება",-განაცხადა გიორგი ტყემალაძემ.

კანონმდებლობით, ბინათმესაკუთრეთა ამხანაგობის წევრთა საერთო ქონების ერთობლივად მართვა მესაკუთრეებს ეკისრებათ.

გადაწყვეტილებების მიღება ბინათმესაკუთრეთა ამხანაგობის წევრთა კრებაზე ამხანაგობის ყველა წევრის ჩართულობით ხდება.