20 თებერვალს 15:00 საათზე , თბილისის მუნიციპალიტეტის საკრებულოში სახელდებისა და სიმბოლიკის კომისიის სხდომა გაიმართება
დღის წესრიგი:
15:00 საათზე სახელდებისა და სიმბოლიკის კომისიის სხდომა გაიმართება, კომისიის წევრები განიხილავენ ქალაქის სხვა და სხვა რაიონებში უსახელო ქუჩების სახელდების პროექტებს, კომისიაში არსებულ ოფიციალურ კორესპონდენციებს და ჰაინრიჰ ბიოლის ფონდთან დადებული მემორანდუმის ფარგლებში (ქ. თბილისში 50 ცნობილი ქართველი ქალის სახელის მინიჭება ქუჩებისათვის) განსახორციელებელ ღონისძიებებს.
16:30 საათზე გაიმართება სახელდების კომისიასთან არსებული სამუშაო ჯგუფის შეხვედრა, რომელიც დაკომპლექტებულია მერიის კეთილმოწყობის და არქიტექტურის საქალაქო სამსახურების; იუსტიციის სამინისტროს საჯარო რეესტრის ეროვნული სააგენტოს სამისამართო სამსახურის და სახელდების და სიმბოლიკის კომისიის წარმომადგენლებით. შეხვედრაზე განხილული იქნება სამისამართო აბრების განთავსების, ქალაქგეგმარებითი ქსელების მომზადების და საკადასტრო ერთეულების ნუმერაციების განხორციელების მიმდინარე საკითხები.