14 აპრილს 18:00 საათზე, თბილისის მუნიციპალიტეტის საკრებულოში შოთა რუსთაველის იუბილესადმი მიძღვნილი პროექტის ,,გადავწეროთ ვეფხისტყაოსანი” პრეზენტაცია გაიმართება. ღონისძიების ფარგლებში, ასევე მოეწყობა გამოფენა "რუსთაველი 850", სადაც „ვეფხისტყაოსნის“ თემატიკაზე შესრულებული ნამუშევრები, მათ შორის სპეციალურად ამ პროექტისთვის შექმნილი ნაწარმოებები იქნება წარმოდგენილი.
ღონისძიებას ცენტრალური და ადგილობრივი ხელისუფლების, სამეცნიერო, სახელოვნებო წრეების წარმომადგენლები და საზოგადოებისათვის ცნობილი სახეები დაესწრებიან.
მის: თავისუფლების N 2 (თბილისის საკრებულო, თამარ მეფის სახელობის დარბაზი).