31 ივლისს 13:00 საათზე , ქალაქ თბილისის მუნიციპალიტეტის საკრებულოს ფრაქცია „ქართული ოცნება-დემოკრატიული საქართველოსთვის“ შეხვედრას მართავს საქართველოს შრომის, ჯანმრთელობისა და სოციალური დაცვის სამინისტროს სოციალური მომსახურების სააგენტოს დირექტორის მოადგილეებთან - თამაზ მოდებაძესა და თენგიზ აბაზაძესთან.
შეხვედრას დაესწრებიან ქალაქ თბილისის მერიის სოციალური სამსახურის უფროსი- გელა ჩივიაშვილი და რაიონული გამგეობების სოციალური სამსახურის უფროსები.
შეხვედრაზე განიხილება დღის წესრიგით გათვალისწინებული საკითხები:
· სოციალურად დაუცველთა ერთიან ბაზაში დარეგისტრირების წესი;
· ციფრულ მაუწყებლობაზე გადასვლის შემდეგ სოციალურად დაუცველთათვის „სეთ-თოფ ბოქსების“ გადაცემის წესი.
შეხვედრას დაესწრებიან ქალაქ თბილისის სოციალური მომსახურების რაიონული ცენტრის უფროსები:
დიდუბე-ჩუღურეთის რაიონი - ალეკო ყელბერაშვილი;
ვაკე-საბურთალოს რაიონი - გიორგი ეპიტაშვილი;
მთაწმინდა-კრწანისის რაიონი - ლილე ლიპარტელიანი;
გლდანი-ნაძალადევის რაიონი - გურამ გორგილაძე;
ისანი-სამგორის რაიონი - გიორგი სანოძე ( მოვალეობის შემსრულებელი).